قصيدة الوردة - البريكـــــي

قصيدة الوردة

البريكـــــي

قصيدة الوردة
لا تلوموني في د الحال جيت نشهد و نودي
اعدولي فالموت اسبابي خال فوردة

آه من رشكات نبال الاقواس و الحاجب صردي
عند رامي دكت نشابي جات مجهدة
كل قوس امطلع شد لوتار من صوب القصد
علاه ما نشكي طال عذابي هدي مدة
هكذا راني في حال الغرام يتصرف وعدي
و نصرف ما كان في احسابي راه اتعدى
لا دوا من غير التقبيل يا و لمصال الشهدي
راد يعمل فالكاس شرابي جات مودة

فاتح في اغصن اسماوي رياض عالي من سعدي
زادها رش الخال غرابي من غير ندى
ظلها و حضاها ظل لشفار بالحظ الهندي
ياك جبت ايماير توصابي في ما نبدا
فاش جاني جرحي و أنا المال ورقبتي نهدي
ليس نتهرب عن مكتابي مالي صدة
غير جيت نبري فالروح قبل تخرج من جسدي
خفت ناسي تلقا طلابي تبغي لفدا

هاج وجدي و افرغ جهدي قلايدي زادو صهدي
طالت عليا يا تشغابي هاد الفكدة
بعد صهدي ثلجي بردي تنهادي تحمي نشدي
و الهوى شد على بابي ما صبت افدا
دون غرضي جيتو مهدي صغير مازال فجهدي
درسني مير ادريس عرابي هازم العدا

يا ترى يسعدني ريح لوصال ننصب لو بندي
ايمتا يهزم مير اطرابي زند النكدة
يا ترى يتجرد برق السرور وي+لم رعدي
على الزهو ينزل مطر اسحابي فوق البيدا
بين ديدي و الهندي في بطايحو نجني وردي
يعود نحلي يرعى في اخصابي بعد الركدة
الهوى يا من لا هزمو غرام تمثيل الرندي
سيرتي مغلوب لغلابي صبري لبدا

عند ضربي نتخير فالجحود و نخرج وندي
بالتمام نعدل تزرابي سور للعدا
الحافظ ايلا سالوك قول هادي من عندي
من دعى لا يبطا في وجابي ولا بدا
داودي زردي عن زندي فالاعدا ثاري نفدي
ابن اسليمان اسمي في اخطابي عسل الشهدة
النسب فاسي من عرب الحجاز متيصل جدي
يا رحيم الرحمة عن أبي حسن الولدة
يا المولى كن معايا ونيس في غمت لحدي
يوم ناخد شبري في ترابي كن لي سندة

مشكور اخي الكريم على مساهمتك القيمة

السلام اعليكم ورحمة الله مشكككككككككككككككككككككككككككككور على القصدة الورد الجميلة

اهلا

بارك الله فيك

» قصيدة الوردة - منال القباج
» قصيدة الوردة - الحسين التلالي
» قصيدة الوردة - الحسين التولالي
» قصيدة الكناوي
» قصيدة فاطمة - بن حدو